الإيجار من الباطن سبب لإخلاء المستأجر من العين
لكن في حالات تانية بتشبه الإيجار من الباطن، و هي حالة "التنازل عن عقد الإيجار" و حالة "الترك"
و لازم المستأجر ياخد موافقة المالك في حالة التنازل أو الايجار من الباطن أو الترك لشخص غريب. 
⬅الفرق بين الثلاث مسميات بسيط قوي:
↩الإيجار من الباطن :_ معناه ان المستأجر يعيد تأجير العين لشخص تاني (سواء بعقد مكتوب أو عقد شفوي) بمقابل مادي (غالبا بتكون أجرة تزيد عن الأجرة الأصلية للعين)
↩التنازل عن الإيجار: هو عبارة عن "حوالة عقد" بمعنى ان المستأجر يسيب الشقة أو المحل لمستأجر جديد (بنفس الأجرة، و بشرط كتابة التنازل و توقيع المستأجر القديم عليه)
↩الترك: معناه ان المستأجر يسيب العين لشخص تاني (ميكونش ملتزم بإسكانه) من غير كتابة عقد و لا تنازل و لا اي حاجة.
و خلى بالك، شرط "الترك" هو ان يكون الشاغل الجديد للعين مش مسئول من المستأجر، بمعنى ان المستأجر ممكن يسيب الشقة لزوجته أو حد من اولاده أو أحد ابويه، و ميقدرش المالك يطرده لأن كل اللي ذكرناهم مسئولين من المستأجر و عليه واجب اسكنهم
الأستاذة رانيا عزت القلوعي للمحاماه والإستشارات القانونية